4/21/2012

სატანისტური "იმედი"

მერე რა, რომ ათასწლეულები გავიდა 21-ე საუკუნის ადამიანს მაინც ძლიერად უყვარს "პური და სანახაობა" ისევე როგორც, - ქრისტესშობამდელ რომში...
პური მეტნაკლებად აღარ ჭირს, გლადიატორების ბრძოლა კი ნოდარიკო მელაძემ ჩაგვინაცვლა. მასზეა ნათქვამი "რეიტინგი აჩვენე და ყველაფრის კადრებას გიჩვენებსო"

უკვე მეორედ ვწერ ნოდარიკოს გადაცემის შესახებ და აღარ ვთვლი საჭიროდ ავხსნა რას ემსახურება იგი. ვერც ვიფიქრებდი თუ ასე ზედმიწევნით მეორე პოსტს მივუძღვნიდი მსოფლიო ჟურნალისტიკის შავ ლაქას, გამოუსწორებელი ოპტიმისტი ვარ, მეგონა მასაც ეშველებოდა, შევცდი...

მთელი გადაცემა იყო ერთი დიდი დეზინფორმაცია და არაფერი სხვა, რაც ემსახურებოდა სუბკულტურების როგორც "მტრის" ხატის შექმნას. გადაცემამ გადააბიჯა ყველანაირ ჟურნალისტურ ეთიკას, დაარღვია ადამიანთა პირადი ცხოვრების ხელშეუხლებლობა და ადგილი ჰქონდა ცილისწამებას.

პირველი ტყუილის ავტორი, გადაცემის ანონიმური სტუმარი ქალბატონი იყო, რომელმაც ერთ-ერთი ქართველი ბლოგერი დაადანაშაულა ნეოფრომალთა დაჯგუფების წევრობაში. რეალურად კი გოგონას უბრალოდ რამდენიმე პოსტი ჰქონდა დაწერილი მათ შესახებ.

გადაცემაში გამოყენებული იქნა ქართველი როკ/მეტალ მუსიკის მოყვარული თინეიჯერების სურათები და ისინი შერაცხულები იყვნენ სექტის წევრებად. სურათები გამოიყენეს მათზე გამოსახული ადამიანების ნებართვის გარეშე, ზოგ მათგანს არარეალური სატანური სექტის მეთაურობა "შეტენეს" ზოგსაც ცხოველების მსხვერპლეწირვაში მონაწილეობა.

ორი დღეა ვაკვირდები "ფეისბუქზე" დადებულ პოსტებს და აი რა შინაარსის წერილები ამოვიკითხე კონკრეტულად ფოტოზე გამოსახული ადამიანებისა და მათი მეგობრებისგან:

"არავარ სატანისტი! ცხოვრებაში რაც სურათი გადამიღია, თითქმის ყველა აჩვენეს და რაღაცებს მაბრალებენ"

"ამათმა ფული "გააკეთეს" და ჩვენ ვიჭყლიტებით"

"ამ გადაცემამ ლამის ჩვენი მკვლელობა შეუკვეთა"

"კიდევ კარგი ჩემ სურათებს, ფეიბუქზე მხოლოდ "ფრენდები" ხედავენ, თორემ ჩემსასაც აიღებდნენ და რაიმეს "შემომტენიდნენ""

"ამ გადაცემის მერე სახლიდან როგორ გავიდე? ხომ შეიძლება ვინმემ ჩამქოლოს :|"

"ჩემი უამრავი მეგობრის სურათი აჩვენეს... ფრთხილად იყავით ბავშვებო, მეშინია ჩემ მეგობრებს რაიმე არ შეემთხვეთ :( "

მათი უმეტესობა საკმაოდ დაბნეული და შეშინებულია, ბევრმა მისცა მათ რჩევა ეჩივლათ თუმცა ჯერ-ჯერობით თავს იკავებენ. ჩემი აზრით ამ დროს სახალხო დამცველის აპარატმა ან სხვა ორგანომ უნდა გაუწიოს დახმარება მათ, თუნდაც საქართველოს ახალგაზრდა იურისტთა ასოციაციამ, გააცნოთ თავიანთი უფლებები, რა დარღვევები მოხდა კონკრეტულად და რისი გაკეთება შეუძლიათ ამ ახალგაზრებს თავის დასაცავად.

შეიძლება მართლაც არსებობენ ადამიანები რომლებიც რაღაც რიტუალებს ატარებენ და მკვლელობებსაც სჩადიან თუმცა ესენი არ არიან ისინი ვისი სურათებიც სიუჟეტში იყო ნაჩვენები და არც არცერთი სუბკულტურა არ ითხოვს მსხვერპლშეწირვას. 

გადაცემაში ყველაზე მეტად 3 "ემოს" გამოჩენამ გამაღიზიანა, მათმა ვიზუალმა დამაფიქრა ცოტა არ იყოს, არცერთი ემო მე მსგავსი მაკიაჟით არ მინახავს, ერთ-ერთი მათგანის იისფერი თმა კი აშკარად პარიკი იყო. ერთი შეხევით იმედის ვიზაჟისტების შეღებილებს ჰგავდნენ...



ამ ბავშვებთან მიმართებაში 2 ვერსი მაქვს:

1. იმედმა ფული გადაუხადა იმ სპექტაკლის დაგმისთვის რაც გუშინ ეთერში ვიხილეთ
2. არიან ეპატაჟზე ორიენტირებული, ყურადღების ცენტრში ყოფნის სურვილით შეპყრობილი ბავშვები რომლებიც არცერთ სუბკულტურას არ განეკუთვნებიან.

სუბკულტურა არის იდეოლოგია, მსოფლხედვა და არა ვიზუალი.

აქვე ვიტყვი იმასაც რომ არცერთ სიუჟეტში სურათებად ნაჩვენებ ახალგაზრდას ამ სამთან კავშირი არ აქვს და მეტიც, არც კი უნახავთ ისინი. ერთ-ერთი ქართველი გოთის "ვოლზე" საინტერესო პოსტი შევნიშნე გუშინ ღამით:

"ეს სამი ტიპი ვინაა? სადმე გინახავთ? როკ კონცერტზე ან რაიმე ივენთზე? და საერთოდაც ეს არასრულწლოვანი გოთი, ემო, პანკი და ა.შ საიდდან მოიტანეს? იცნობთ ვინმე ეგეთს? რა სექტები? ვინ არიან საერთოდ? ან სად არიან არცერთს რომ არ გვინახავს?"

სანამ პოსტი დასრულდება მინდა ერთი სკრინშოტი გაჩვენოთ, რომელზეც კარგად ჩანს რა გააკეთა ამ გადაცემის ჯგუფმა სკანდალისთვის.
მარცხნივ თქვენ ხედავთ იმას რაც იმედმა აჩვენა, მარჯვნივ კი იგივე სურათის რეალურ სახეს, მანამ სანამ ნოდარიკოს კოლექტივი დაამუშავებდა "ფოტოშოპში".

პოსტის წერისას ერთი ჩემი საყვარელი ფრაზა გამახსენდა: "Don't Feed The Trolls" 
მიკვირს აქამდე რატომ არ გავითვალისწინე... მორჩა! სამუდამო იგნორი ჩემგან, ტელეიმედს, იმ "ფიდბექის" ღირსებიც არ არიან რაც მე გავუკეთე.
მიმიფურთხებია ასეთი ჟურნალისტიკისთვის და ჟურნალისტებისთვისაც!

Twitter Delicious Facebook Digg Stumbleupon Favorites More

 
Design by Free WordPress Themes | Bloggerized by Lasantha - Premium Blogger Themes | Web Hosting Coupons